Во недела, на 8 Март, во Дневникот 2 на МТВ, во 20 часот, ќе биде промовирана евровизиската песна „You“, со којашто Васил Гарванлиев ќе настапи на 65-тото издание на Евровизија во Ротердам, Холандија. Потоа песната со видео спот ќе биде објавена и на официјалниот евровизиски јутуб канал (https://www.youtube.com/user/eurovision).
Автор на музиката на песната е Невена Нешкоска, македонска композиторка и продуцентка, која работи и живее во Чикаго. Невена е автор и на текстот на песната, којшто го создаде заедно со нејзината сестра Калина Нешкоска и колешката од Беркли Алис Шредер. За продукцијата и аранжманот на песната освен Невена Нешкоска се погрижија и Дарко Димитров и Лазар Цветкоски.
Видео записот за песната го режираше Милена Витман, а за фотографијата и за монтажата се погрижи Ѓорѓи Вацев. Продуцент на спотот е Јелмаз Дервиши.
Видео записот е сниман во кафе барот „Churchill“ позади трговскиот центар Мавровка во Скопје.
