Во јануари и февруари непознати лица опожариле 40 контејнери на ЈП „Комунална хигиена“-Скопје поради што јавното претпријатие апелира да престане уништувањето на опремата.
„Вкупно 40 контејнери наменети за собирање на комуналниот отпад во текот
на изминатите два месеца беа опожарени и целосно уништени. Покрај финансиската штета што му е нанесена на ЈП „Комунална хигиена“-Скопје, овие инциденти доведуваат до големи проблеми при одлагањето и собирањето на комуналниот отпад во градот. Апелираме да престане уништувањето на опремата на ЈП „Комунална
хигиена“-Скопје, за нашите екипи да можат навремено да ги извршуваат
своите работни обврски, согласно Оперативната програма за работа. Сите случаи на опожарување на контејнерите се пријавени до надлежните органи и ќе бидат преземени соодветни мерки за да се пронајдат и санкционираат сторителите“, велат од јавното претпријатие.
