Зоран Заев, поранешниот премиер во емисијата „Еден на еден“ на Канал 5 зборуваше за своето детство поминато во родното Муртино и раните денови поминати во ова село.
– До 1993-та година одев да копам на нивата во Муртино, моето родно место, тогаш се вадеа пари доста од земјоделието и тоа се продаваше на пазарите во Србија, Босна. Поминав 4-5 години на пазарите низ Србија, го продавав родот. Кога се вратив од студиите во Скопје, бев магационер една година во фирмите на мојата фамилија. Па истоварав половина шлепер, тоа е убаво искуство. Јас велам, не мора веднаш директор да се стане – рече Заев.
