Не повеќе од осум министри ќе бидат сменети, верувам дека до крајот на неделата ќе можам да ги соопштам имињата на новите, но и на тие што се менуваат. Паралелно со новите министри и заменици следува и разрешување на над 20 директори на јавни институции и ќе се именуваат нови. Ова го изјави премиерот Зоран Заев по вечерашното заседавање на Централниот одбор на СДСМ во Охрид.
– Ќе има промени на раководни структури од нашата партија, но и од други, вклучително и од ДУИ – рече Заев.
Тој кажа и дека нема потреба од предвремени парламентарни избори.
