Нека следат доблесни примери, таму е сѐ за менување. Со ВМРО-ДПМНЕ јас работев кога беше Никола Груевски, а ова сега е полошо! А државата треба да има сериозна опозиција, така власта ќе биде поисполнителна. Ценете и вие, и пораките од изборите!, изјави вечерва Зоран Заев, претседател на СДСМ и премиер, коментирајќи во врска со тоа дека ВМРО-ДПМНЕ повикува функционери на СДСМ да дадат оставки, но нема оставки и во нивната партија.
Заев порача:
– Ако тргнавме од своите редови да се исправиме со големината и доблеста за наше отстапување со наше корегирање и подобрување, верувајте нема да дозволиме на било кој во државата, без разлика дали тоа е во јавната администрација, централна, локална, а прима пари од граѓаните, да не ги исполни очекувањата на граѓаните.
Никој не очекува од јавната администрација, извршната, централната парламентарната , локалната власт сто посто да реши сѐ, но очекува да им служат чесно и верно на граѓаните, рече Заев.
Тој додаде:
– Пораката ја примивме, иако сме среќни за големата победа на изборот Стево Пендаровски за нов претседател на Република Северна Македонија, но секако, граѓаните ни испратија кристално јасна порака – останаа дома, еден дел од нив затоа што не се доволно мотивирани за да излезат на претседателски избори тоа е традиционално така, но еден дел за да ја испратат пораката – корегирајте се ако сакате понатаму поддршка – рече Заев.
ФОТО: Принтскрин „24 Вести“
