Загинал 26-годишник откако со „БМВ“ излетал од автопатот Гостивар – Тетово, соопшти Министерството за внатрешни работи.
– Вчера во 22.40 часот било пријавено дека на автопатот Гостивар – Тетово после „Неготинска петла“, Б.Ј. од с.Топлица-о.Врапчиште, управувајќи патничко моторно возило „БМВ“ со гостиварски регистарски ознаки излетал надвор од коловозот. Во незгодата возачот починал на местото на настанот – велат од МВР.
Извршен бил увид од јавен обвинител и увидна екипа од Полициската станица Гостивар.
По наредба на јавен обвинител телото на починатиот е предадено за обдукција.
