Жена и две деца се повредени откако автомобил излетал од патот и се превртел, вчера попладне на локалниот пат Сарај-Глумово. Во сообраќајната несреќа со тешки повреди се здобила З.Р.(27) од Скопје која го управувала автомобилот.
Двете деца на возраст од 9 и 16 години се полесно повредени. Сите тројца биле пренесени во Ургентниот центар во Скопје, каде З.Р. била задржана за понатамошно лекување, а децата биле пуштени на домашно лекување.
Увид на местото на настанот извршила екипа од СВР Скопје
