Шефот на Пентагон, Марк Еспер синоќа нагласи дека американската армија ќе користи вештачка интелигенција по законски и етички пат и дека само луѓе ќе одлучуваат дали да се нападне дадена цел.
– Ќе користиме потенцијал од вештачка интелигенција за да создадеме сила адаптирана на нашата епоха – изјави министерот за одбрана пред експертска комисија.
Таа е одобрена од Конгресот со задача да го оцени потенцијалот и ризиците од користење вештачка интелигенција за националната безбедност.
Во извештај, објавен во понеделникот, се нагласува дека е неопходно САД да ја забрзаат работата на автономни оружја способни да локализираат цел, да оценат сами опасност и да ја елиминираат без човечки фактор.
Прашањето со автономните оружја останува тема за дебата во Пентагон каде основниот принцип е дека човек треба да донесе конечна одлука и дека машината не може сама да решава дали ќе пука врз дадена цел.
ФОТО: EPA / MICHAEL REYNOLDS
