Славниот британски музичар Елтон Џон морал во неделата да го прекине концертот во Окленд, Нов Зеланд, откако го изгубил гласот па сцената ја напуштил во солзи.
– Жал ми е, многу ми е жал. Не можам да пеам – рекол Елтон кога ѝ се обратил на публиката среде концертот со засипнат глас. Станал од својот клавир па изјавил: „Мојот глас не соработува“.
Потоа го покрил лицето со рацете и почнал да плаче, а публиката го поддржала со громогласен аплауз и со љубов го испратил кога го одвеле од сцената.
Околу 50.000 луѓе дошле со желба да уживаат во гласот и песните на славниот пејач, меѓутоа, нештата не оделе според планот.
Пејачот потоа на Инстаграм дека му е дијагностицирано благо воспаление на белите дробови, но тој и покрај болеста одлучил да настапи.
Гласот го изгубил во моментот кога се подготвувал да го испее својот хит „Даниел“.
„Свирев и пеев со цело срце сѐ додека не останав без глас. Разочаран сум и вознемирен, длабоко загрижен, тажен. Ви дадов сѐ што имав. Се извинувам“, напишал музичарот на Инстаграм и се заблагодарил на публиката на извонредната поддршка.
.@eltonofficial broke down after losing his voice to walking pneumonia 2/3rds through his Auckland show. It was hard to watch! Amazing hour 45 regardless 👌🏼 pic.twitter.com/9jUb0xSIh4
— Clint Roberts (@kiaoraclint) February 16, 2020
Printskrin: Youtube/Salvo Sottile
