Експлодирал бојлер пред купатило синоќа во објект од кавадаречка градинка, за среќа нема повредени, информацијата ја потврдија од Теритиријалната противпожарна единица од Кавадарци.
– Ни трага од бојлер по експлозијата, само грејачите беа останати. Мијалникот беше сокршен, плочките одоколу одлепени. Вратата која била отворена, ја најдовме нагорена. Таму, но и во ходниците имаше поголемо количество чад – појаснија од противпожарната единица.
Пожарот прво бил забележан од обезбедувањето на градинката кое вршело патрола.
– Нивната навремена дојава и нашата навремена интервенција спречија поголема трагедија – рекоа од противпожарната служба.
