Четириесет и четиригодишен Македонец загинал, а петмина се повредени во сообраќајна несреќа која се случила утрово на автопат во близина на Нови Сад, пишуваат српските медиуми.
Полицијата соопштила дека телото на загинатиот било најдено на неколку десетина метри од смачканиот автомобил „фолксфаген шаран“ со македонски регистарски таблички, кој наеднаш излетал од сообраќајницата.
Во несреќата која се случила околу пет часот наутро потврдено е дека се повредени уште пет други машки лица, исто така, државјани на Македонија и тие се префрлени во Клиничкиот центар во Војводина.
Во притвор е 51-годишен возач од Ниш.
