Едно лице загинало а друго се наоѓа во животна опасност по сообраќајка во Скопје, соопштуват од Министерството за внатрешни работи.
-Вчера околу 16.00 часот на булевар „Митрополит Теодосиј Гологанов“ во Скопје се случила сообраќајна незгода помеѓу патничко возило „цитроен крузер“ со тетовски регистарски ознаки, управувано од В.Ч.(61) од Скопје и моторцикл „дукати“ со тетовски регистарски ознаки, управувано од Г.Д.(32) од Тетово. Во незгодата се тешки телесни повреди се здобиле возачот на мотоциклот и сопатникот Н.Д.(31) од Тетово. Со возило на Итна медицинска помош биле пренесени во Ургентен центар при комплексот клиники „Мајка Тереза“, каде им била укажана лекарска помош. Околу 17.30 часот Г.Д. им подлегнал на повредите, додека Н.Д. е задржана на лекување и се наоѓа во животна опасност-велат од МВР.
Увид на местото на настанот извршила екипа од СВР Скопје.
