Панорамскиот автобус со кој се превезуваа ракометарите на Вардар од аеродромот до центарот на Скопје, пристигна на плоштадот „Македонија“.
Двократните европски шампиони кои беа поздравувани низ улиците на македонската метропола, на плоштадот се дочекани од десетици илјади фанови од сите возрасти.
Атмосферата која владее во Скопје и во целата држава во текот на целиот викенд, кулминира кога автобусот помина низ Триумфалната порта и се приближи до бината.
Европските шампиони од специјалната бина на плоштадот во Скопје им се обратија на десетиците илјади фанови кои повеќе од три часа ги чекаа своите миленици.
Стоилов: Скопски Вардар, европски првак. Моите соиграчи се најголеми амбасадори на нашата држава. Голем дел не се Македонци, ќе си отидат во своите држави, но ќе кажуваат за Вардар и Македонија. Најубав дел од нивните кариери. Да живее Вардар, да живее Македонија.
Карачиќ: Цел ни беше „Фајнал фор“, но кога дојдовме во Келн се обидовме и успеавме пак да ви донесеме трофеј . Благодарам за сите седум години во Скопје и Македонија. Можеби патот пак ќе ни се вкрсти.
Дибиров: Ние, целиот тим сме МакедонциМислев дека никогаш нема д адоживеам ден како во 2017, ама доживеав вече во 2019.
Чупиќ: Еден живот, една љубов.
Шишкарев: Голема победа за вас, за нас, за цела Македонија.
Скубе: Дел сум од вас, дел од Вардар
Дисингер: Ве сакам сите. Балгодарам за поддршката. Ова е неверојатно
Криштопанс: Вие сте најдобри навивачи. Благодарам за поддршката
Калараш: најдобрите навивачи кои сум ги сретнал. Горд сум што сум дел од Вардар
Милосављев: Вис сте народ со најголемо срце. Игравме за вас и покажавме дека треба да верувате во Вардар. Ги сакам Вардар и Македонија.
Горбок: Сите дадовме се од себе и за државата и за Вардар
Парондо: Титулата е за Вардар, за Скопје и за цела Македонија.
Кисељев: Тебе те сакаме, тебе те бодриме, само напред Вардаре.
Поповски: Бидете горди на оваа екипа која живаа за Скопје и Македонија.
Војводиќ: Благодарност за големата поддршка и емоциите кои ни ги покажавте. Оваа е наша заедничка бајка.
Периќ: Вредеше да се живее за ова. Ова ретко се гледа.
Црвенковска: Браво Вардар.
Гедбан: Благодарам за поддршката. Напред Вардар.
