НБА ноќеска ги објави стартните петорки за годинашниот „Ол стар“ меч.
За Западот ќе настапат: Леброн Џејмс (капитен), Стеф Кари, Џејмс Харден, Кевин Дурант и Пол Џорџ.
Почетниот состав за Истокот го сочинуваат: Јанис Адетокумбо (капитен), Кајри Ирвинг, Кемба Вокер, Кавај Ленард и Џоел Ембид.
Составите ги избраа навивачите, новинарите и играчите. Резервите ќе бидат објавени идната недела.
Натпреварот на ѕвездите во најсилната светска кошаркарска лига оваа година ќе се одржи на 17 февруари во Шарлот.
