Ослободителна пресуда за поранешниот директор на МОБ Игор Дурловски изрече судијката Добрила Кацарска во судскиот процес за крвавите настани во парламентот на 27 април 2017 година.
Дурловски не побара да биде амнестиран во рамки на Законот за амнестија, неговото образложение тогаш беше дека тоа го направил затоа што бил убеден дека обвинителството нема докази за делото за кое е обвинет – „терористочко загрозување на уставниот поредок.“
– Дури и да сум најнеморалната личност која протестира за пари, дури и да сум измамувал луѓе да протестираат, кога ќе ја носите одлуката ве молам запрашајте се дали постои било каков доказ за тоа? Дали постои доказ дека сум знаел за тоа што ќе се случува на 27 април? Нема да најдете – рече Дурловски неодамна во своите завршни зборови.
