Употребата на дроги не е новост, ниту реткост и во Македонија. Речиси 9 отсто од македонските граѓани пробале нелегални дроги во текот на животот, што е случај за речиси 19 отсто од младите од 15 до 24-годишна возраст. Околу 1,1 отсто од граѓаните во Македонија пробале опиоидни дроги, а бројот на лица кои ги употребуваат со инјектирање се проценува на околу 6 800, се оценува во резимето за Квалитетот на програмите за лекување на зависности во Македонија на ХОПС.
Ова резиме е извадок од анализата за Квалитетот на програмите за лекување на зависности во Македонија, која во целост е достапна на интернет-
-страницата на ХОПС.
Супституциското лекување за опијатна зависност во Психијатриската болница Скопје, како што се наведува во резимето, датира од раните осумдесетти години на 20иот век, додека, почнувајќи од 2005 година, а со поддршка од Глобалниот фонд, лекувањето беше дисперзирано во уште 9 градови низ државава.
Целата анализа, која содржи преглед на актуелната состојба во програмите за лекување на зависности од перспектива на пациентите, ќе биде објавена утре по повод 26. јуни – Mеѓународниот ден за борба против дрогата и започнувањето на кампањата „Поддржи, не казнувај“.
