Огромна дупка на тротоар во центарот на Скопје оставена без ниту една ознака или светол знак стоеше неколку дена. Некој можел да падне и да се повреди.
Фотографиите направени во петокот вечерта, покажуваат огромна дупка на тротоарот без какво било предупредување за пешаците. Ваквите дупки се опасни за пешаците, но и за велосипедистите и за децата кои родителите ги возат во количка.
Откако утрово Плусинфо побара одговор од Град Скопје зошто нема никаква сигнализација за опасност и не е направена некаква заштита околу дупката која најмалку три дена стоеше отворена, надлежните експресно реагирале и побарале дупката да биде затворена, по што бевме известени дека веќе ја нема (фотографија долу).
– Има ставено знаци за предупредување, само несовесни лица ги имаат извадено – рекоа од Градот.
