Славниот италијански дизајнер Џорџо Армани ја откажа модната ревија во Милано, во склоп на Модната недела, откако коронавирусот усмрти две лица во близина на овој град, и поради што е најавена изолација на 12 градови ширум северна Италија.
Неговата модна куќа објави соопштение во кое го најави откажувањето на вчерашната ревија која требаше да се одржи во 16 часот:
„Ревијата ќе биде прикажана зад затворени врати, поради неодамнешниот развој на епидемијата на коронавирусот во Италија. Преносот во живо ќе биде емитуван на веб-страницата на Армани, поради што ве замолуваме да не присуствувате на ревијата денеска попладне.“
Италија исто така одложи три фудбалски натпревари во серверните региони на Ломбардија и Венето поради стравот од коронавирусот.
