Владата треба да продолжи со нормализација на ситуацијата и внатре во државата и надвор. Со нормализација на функционирање на институциите на системот затоа што пред нас имаме многу важни задачи, како што се отворање преговори за интеграција во ЕУ и ратификација на нашето членство во НАТО од страна на парламентите на државите што се членка на НАТО.
Ова вечерва го изјави претседателот на ДПА Мендух Тачи по средбата со премиерот и претседател на СДСМ Зоран Заев во Клубот на пратениците.
– Разговаравме за неколку имиња, но оставивме да се вратиме во нашите партии, да разговараме со нашите структури и потоа заедно да одлучиме кое е името што котира највисоко, изјави Тачи.
Тој рече дека би било добро да се номинира кандидат на Владата што значи, како што нагласи, продолжување на нормализација на оваа политика.
– Не би било коректно да истакнеме некој кандидат денеска. Се договоривме да се вратиме во партиите и потоа да имаме уште една средба, а истакнувањето да биде во симболика на заеднички кандидат, а не на кандидат на оваа партија или онаа, изјави Тачи.
