Со цел да се избегне влијанието на анкетите на предизборните рејтинзи врз изборното расположение во манипулативен контекст, редакцијата на Плусинфо до изборите ќе објавува само анкети чиј нарачател е познат и е учесник во изборната трка.
Во извештаите од тие анкети нарачателот ќе биде соопштен во самиот наслов на веста, за читателите да немаат никакви дилеми во поглед на тоа прашање. Сметаме дека тоа е најчесниот начин на дисеминација на ваквите истражувања на јавното мислење.
Исклучок од ова правило ќе бида само анкетите чиј нарачател или нарачатели не се учесници во изборите, но се агенции и субјекти со високо признат и потврден квалитет и кредибилитет во досегашните истражувања на предизборното расположение.
Во деновите на официјалната изборна кампања, Плусинфо нема да објавува никакви анкети за предизборните рејтинзи на учесниците во изборната трка.
Дополнително, Редакцијата на порталот ќе ги извести партиските штабови и јавноста за своите планови со непристрасно и избалансирано известување да придонесе изборниот процес да биде фер и демократски.
Фото: pixabay.com
