Холандскиот сенат попладнево го ратификуваше протоколот за пристапување на Северна Македонија во НАТО.
Со ваква вест министерот за надворешни работи, Никола Димитров, предмалку се пофали на социјалните мрежи.
Сега останува да се завршат процедурите и во Франција и Шпанија.
Министерката за одбрана, Радмила Шекеринска, пак, утрово изјави дека очекува до крајот на ноември или до Лондонскиот самит да заврши ратификацијата и во Франција, а останува само ратификацијата во Шпанија, за што посочни проценки ќе можат да се направат дури откако ќе биде јасна новата влада.
– Според најавите, првата седница на шпанскиот Парламент ќе биде почетокот на декември. Секое шпекулирање сега, ќе биде само шпекулација. Многу внимателно ги следиме настаните, ја испраќаме континуирано пораката дека е многу важно за нас, но и за регионот, нашето членство да биде час поскоро – изјави Шекеринска.
