Куманово посакува да биде составен дел на Европа, кумановци сакаат да живеат подобар живот и сакаат обезбедена егзистенција, просперитет, стабилност. Референдумот на 30 септември е клучното прашање на кое граѓаните ќе одлучат за просперитет и подобра иднина, поголеми инвестиции во градот, соодветен развој на општината, регионите, државата, рече градоначалникот на општина Куманово, Максим Димитриевски на денешната прес конференција на градскиот плоштад.
Тој истакна дека Македонија низ историјата поминала низ различни крстопати и секогаш македонските граѓани знаеле да донесат вистинското решение.
– Ја користам оваа пригода да дадам целосна поддршка на референдумското прашање на 30-ти овој месец, бидејќи носиме одлука за нас и нашите деца и историска одлука за идните генерации. Влезот во НАТО значи загарантирани граници и економски развој – рече Димитриевски.
Тој додаде дека повторно сме исправени пред историски предизвик да се биде член на НАТО, да се биде член на ЕУ.
