Францускиот селектор, Дидие Дешан е сигурен дека порано или подоцна Зинедин Зидан ќе ги преземе „петлите“. Дешан ја однесе Франција на врвот во 2018 година, но тој е свесен дека нема да биде тука засекогаш.
– Следниот селектор ќе биде Зизу. Во одреден момент – тој ќе биде – рече Французинот, кој неодамна го обнови својот договор до 2022 година.
Ова значи дека тој, исто така, се очекува да го води тимот за време на Светскиот куп во Катар.
– Кога сте тренер, не постои старосна граница. Резултатите се важни – додаде тој.
Пос обновата на договорот, Дешан ќе стане најдолготраен селектор на фудбалската репрезентација на Франција во историјата, подобрувајќи го рекордот на Мишел Хидалго, кој ги предводи „петлите“ меѓу јануари 1976 и јуни 1984 година.
Пред извесно време, претседателот на Фудбалската федерација, Ноел Ле Грау рече дека продолжувањето на договорот на Дешан зависи од успешното надминување на квалификациите за ЕП 2020, што францускиот тим успеа да го направи.
