Во четвртокот деветгодишно девојче било пронајдено мртво во торба во Лос Анџелес, пренесува „Вашингтон пост“.
Тогаш полицијата извести дека станува збор за дете од 7 до 10 години, кое носело розева маичка со напис „идна принцеза херој“. Полицијата ја замоли јавноста да и помогне да го идентификува лицето.
Сега се утврдило дека станува збор за девојчето Тринити Лов Џонс, кое било убиено.
– Зборови не можат да опишат како се чувствувам сега. Сакам одговори. Сакам правда – изјавил Антонио Џонс, кој тврди дека е татко на Тринити, за „КТЛА“.
Нема информации за тоа како девојчето е убиено. Истрагата е во тек.
