Младинските екипи на Академија Пандев за фудбалери родени 2001 и 2003 година ќе играат во финалињата на Купот на Македонија за младинци.
Генерацијата 2003 година во полуфиналето го елиминираше Вардар, откако првиот меч во Струмица заврши нерешено без голови (0-0), а во Скопје на реванш мечот „пандевци“ славеа со 2:1.
Финале во Купот ќе игра и генерацијата 2001 година. Таа во полуфиналниот двомеч беше поуспешна од „Шкендија“. Првиот меч во Тетово „Академија Пандев“ победи со 2:1, додека денес во Струмица мечот заврши нерешено (1-1).
„Академија Пандев“ ја продолжи традицијата шеста година по ред да има барем еден тим од младинските категории кој ќе игра финале од Купот на Македонија.
