Во сите предмети ќе ме осудат со максимална затворска казна, иако во ниту еден предмет нема ниту кривично дело, а како резултат на тоа ниту елементарен законски доказ, пишува на Фејсбук поранешниот премиер Никола Груевски, кој беше осуден на две години затвор поради незаконска набавка на луксузниот „мерцедес“, а пред повеќе од три месеци побегна во Унгарија.
„Ова не го претпоставувам, туку имам информација од извори од внатре. Дури и сите други обвинети во некој предмет да ги ослободат, мене ќе ме осудат со максимална казна затвор. Така е договорено. Барем засега“, пишува Груевски.
