Експремиерот Никола Груевски не се појави на Комисијата за уставни измени, каде денеска се раправа за третиот нацрт-амандман во втората фаза од процесот за уставните измени.
Тој до утрово не се пријави ниту во затворот во Шуто Оризари каде треба да ја отслужува затворската казна во времетраење од две години за предметот „Тенк“ поврзан со набавката на луксузниот мерцедес од 600 илјади евра.
Претходно Груевски побара одложување на затворската казна, а како причина неофицијално ги навел пратеничките обврски на седниците за уставните измени.
Кривичниот совет вчера ја потврди одлуката на судијата за извршување на затворската казна.
Извор: Макфакс
ФОТО: EPA/GEORGI LICOVSKI
