ДУИ го подржува севкупниот процес за интеграција на Македонија во НАТО и Европската Унија како конкретен придонесувач во постигнување на Преспанскиот Договор, соопшти партијата по средбата на организацискиот секретар и пратеник Артан Груби со шефот на Канцеларијата на НАТО во Скопје, Зоран Јанковиќ.
– НАТО и ЕУ се апсолутно приоритети на ДУИ, Албанците и на сите граѓани на Македонија, затоа, никој не треба да го оспорува овој процес. Евентуалното оспорување или загрозување на овој процес од опозициските партии ВМРО-ДПМНЕ, Беса и Алијанса, во ниту еден случај не треба да го стави под знак прашалник успешното завршување на овој голем и важен проект, не само за Македонија, но и за Југоисточна Европа, затоа што сите сносиме одговорност за овој процес, стои во соопштението.
