Град Скопје ги објави добитниците на Конкурсот за финансирање на манифестации, проекти и творештво на други корисници и чинители што беше распишан на 15 октомври лани, а на кој пристигнале 411 комплетни апликации.
За овој конкурс, градот одвои 16 милиони денари, а посебен акцент е ставен на поддршката на младински и на студентски проекти.
Пристигнатите апликации беа оценети од шест стручни комисии, составени од претставници на Град Скопје и претставници од културните институции.
„Тие водејќи се според критериумите и насоките наведени во објавата на конкурсот, одлучија Град Скопје да поддржи 231 предлог проекти, односно 56 отсто од пристигнатите пријави. Од поддржаните предлог проекти по 46 им припаѓаат на музичката уметност и изведбените уметности, 43 од областа на визуелните уметности и уметност на нови медиуми, 54 проекти од издавачката и од библиотечната дејност, 13 од музејската дејност и промоцијата на културното наследство и 29 проекти кои опфаќаат меѓународна соработка“, се вели во соопштението.
Проектите што ќе се реализираат на јазици на заедниците, Град Скопје ги поддржа со 29 отсто од вкупно предвидените буџетски средства.
