Владата во Берлин даде согласност за прием на Македонија во НАТО и ќе се залага процесот да биде завршен брзо, пишува Дојче Веле.
Приклучувањето на Македонија во НАТО, како што стои во соопштението од германската влада, е важно за безбедноста во евроатлантскиот простор и тоа е „важен импулс за натамошна стабилизација на Западниот Балкан“.
– Свртниците за приклучување на Република Северна Македонија во НАТО се поставени. Во февруари 2019 година земјите членки би требало да го потпишат Протоколот за приклучување, соопштува владата во Берлин и додава дека ќе се залага тој процес да се одвива брзо за „уште истиот месец да може да следи формалното приклучување“.
