Гаши: На 12 април ќе изгрее ново сонце особено кај Албанците

На 12 април ќе имаме избори и тоа ќе да биде добар ден за сите, кога ќе изгрее ново сонце, особено кај Албанците, изјави лидерот на Алтернатива Африм Гаши по лидерската средба што се одржа вечерва во вилата „Водно“ на иницијатива на претседателот Стево Пендаровски.

– Ќе треба да ги има долгоочекуваните промени и мислам дека тоа ќе биде добро за сите граѓани на државата – истакна Гаши.

Тој нагласи дека меѓу учесниците на лидерската средба немало никаква дилема дека патот по кој треба да оди земјата е залагањето за европски вредности и нив имплементација кај нас.

Гаши истакна дека партиските лидери принципиелно оцениле дека е многу важно сегашниот состав на Парламент да го ратификува и Протоколот за полноправно членство на земјата во НАТО, по што ќе треба да имаме 100 дена техничка влада.

Фото: МИА

ИЗЈАВИ НА ДРУГИТЕ ЛИДЕРИ ПО СРЕДБАТА:

Заев: Одиме на избори на 12 април 2020 (ВИДЕО)

Мицкоски по изборите ќе бара одговорност од обвинители и судии за „Рекет“ и ќе носи закон за имот на политичари (ВИДЕО)

Ахмети: Најважно е изборите да се демократски, да се испочитува датумот и потоа да зборуваме за попис

Села: Да не беше мојата потпретседателка, лидерската ќе беше собир на клуб на мажи

Касами: Одиме на избори народот да реши за понатамошниот пат на државата

Тачи: На Македонија ѝ се потребни фер и демократски избори