Во желудникот на угинат кит пронајден на Филипините, биле најдени 40 килограми пластични кеси, соопшти Музејот во кој се изложуваат животински коски во близина на Давао Сити.
– Ја откривме причината за угинувањето на младиот кит, кој беше пронајден на 16 март. Тој имаше дури 40 килограми пластични кеси во себе. Ова е најголемото количество пластика што некогаш сме го виделе во тело на угинато животно. Тоа е одвратно. Владата мора да преземе мерки против оние што го третираат океанот како канта за отпадоци – нагласи претставник на Музејот.
Во областа, изминативе десет години, најдени се 57 китови и делфини, кои угинале како последица од проголтување пластика.
