Воз удри во автомобил утринава меѓу железничката станица Миладиновци и железничката станица Илинден.
Како што информираат од МВР, утринава во 03.10 часот било пријавено дека помеѓу железничката станица Миладиновци и железничката станица Илинден товарен воз кој сообраќал на релација од Табановце кон Скопје Југ удрил во возило „опел корса“ со скопски регистерски таблици, кое било оставено на пругата од страна на непознато лице.
Повредени нема, а причинета е само материјална штета.
Патничкиот и товарниот соораќај на тој дел од пругата бил во прекин од 03.10 до 05.45 часот.
