Внукот на Мајка Тереза Алојз Гомбар подготви подарок за папата Франциск кој на 7 мај ќе дојде во Скопје, пишува весникот Вечер.
– Откако се обзнани дека на папата ќе му дадам подарок, ми се јавија новинари од Франс прес, од државната телевизија на Полска, како и од неколку телевизии од Хрватска и од Словенија. Дури и од САД ме побараа да зборувам во директен пренос за тамошна телевизија. Но, јас решив мојата приказна прво да ја кажам во весникот кој секојдневно го купувам и го читам со години – вели наследникот на Мајка Тереза.
Алојз Гомбар е еден од последните преживеани роднини на Мајка Тереза кој се уште живее во Скопје.
