Опозициската ВМРО-ДПМНЕ денеска обвини дека министерот за внатрешни работи Оливер Спасовски партиски се пресметува со професионалци во Министерството.
– Спасовски противправно потпишувал решенија за прераспределба на професионалци на работни места оддалечени и повеќе од 200 километри од нивното место на живеење. Незаконско дејствие за кое има и судска пресуда против МВР. Стотици вакви тужби и пресуди пристигнуваат на адреса на МВР – велат од ВМРО-ДПМНЕ.
Опозициската партија обвинува и дека имало и насилни обиди за смена на Актот на систематизација, на месец дена пред формирање на техничка влада.
