Работните групи на СДСМ и на опозициската ВМРО-ДПМНЕ ги усогласиле ставовите во врска со реформските закони за судовите и за Судски совет.
Собраниската Комисијата за политички систем и односи меѓу заедниците на седницата што е во тек ги разгледува амандманите кои се носат без дискусија.
Разидувањата на владејачкото мнозинство и опозицијата беа во однос на дисциплинската постапка за судиите.
Еден од клучните амандмани предвидува зголемување основите за разрешување на судиите и тоа доколку не ги применуваат пресудите на Европскиот суд за човекови права и ако открива доверливи информации од процесите што ги работи.
Овие два закона се дел од реформскиот пакет закони што беше планирано да бидат донесени пред објавувањето на Извештајот на ЕК за напредокот на Македонија.
