Во Владата на Република Македонија денеска ќе се одржи четвртиот од серијата отворени денови за иницијативи на граѓански организации, кој се однесува на „Планот за чист воздух“ за 2019-та година и временската рамка за спроведување на истиот.
Како што соопштија од Владата, на отворениот ден воведни обраќања ќе имаат заменик министерот за животна средина и просторно планирање, Јани Макрадули, шефот на кабинет на градоначалникот на Град Скопје, Никола Наумоски, Дарко Блинков од Државниот инспекторат за животна средина и Ана Чоловиќ Лешоска, од здружението „Еко – свест“.
