Политичките партии имаат забелешки за надлежностите на Антикорупциската комисија.
– Пред сѐ, во дуплирање на надлежностите на Државниот завод за ревизија и Управата за јавни приходи во однос на нивното работење. Овие забелешки се легитимни, на владата ѝ се брза во носење на овој закон, затоа што за кратко време ќе бидат објавени претседателските избори, на почетокот на февруари и сметам дека не е добра порака пред Брисел уште едни избори да спроведеме без антикорупциска комисија. По донесувањето на законот допрва треба да се објави оглас за избор на членови на Комисијата, а сето тоа има свои законски рокови – рече денеска вицепремиерот задолжен за европски прашања, Бујар Омани.
Поднесен е предлог закон за спречување на корупцијата и судир на интереси, на кој Владата му стави европско знаменце, зашто се носи согласно препораките на Европската комисија.
