Химните на светските првенства секогаш се составен дел на фудбалскиот фолклор. Во спомените на секој фан остануваат настапи како „Едно италијанско лето“ на Џана Нанини и Едоардо Бенато, „Купот на животот“ на Рики Мартин, „Вака Вака“ на Шакира и други.
Химната на Мундијалот 2018 година во Русија ќе ја исполни американскиот актер и пејач Вил Смит.
Ѕвездата од „Мажи во црно“, „Денот на независноста“, „Лошите момци“, „Јас сум легенда“, итн., објави своја слика со пејачот и текстописец Ники Џем, кој работел и со Енрике Иглесијас.
Песната за СП во Русија 2018 ќе биде официјално презентирана за време на викендот.
