Голманот на Пари Сен-Жермен, Џанлуиџи Буфон, по победата над Манчестер јунајтед во осминафиналето на Лигата на шампионите (2:0), рече дека парижаните би можеле оваа сезона да стигнат далеку во елитното натпреварување.
– Одигравме неверојатен натпревар и за тоа сите мои соиграчи имаат заслуга. Ние можеме да изодиме долг пат во Лигата на шампионите. Нема ништо подобро од доживување на овие емоции и споделување такви моменти со тимот. Ако ја поминеме оваа фаза, можеме да направиме одличен резултат, изјави Буфон.
Реваншот во Париз ќе се игра на 6 март.
