Шефот на европската дипломатија Жозеп Борел оцени дека предлогот за изменета методологија за пристапниот процес ќе ја врати довербата и ќе го забрза процесот на пристапување на Западен Балкан во ЕУ.
„ЕУ не е комплетна без Западен Балкан“, напиша Борел на Твитер.
Тој оцени дека целта на предлогот на Европската комисија е да се отвори патот за подобра меѓусебна доверба меѓу Унијата и регионот и да се направи процесот на пристапување покредибилен и ефикасен.
„Истовремено, наградите ќе доаѓаат побрзо за напорите што ќе ги прават нашите партнери на патот кон членството во ЕУ“, заклучи Борел.
