Повеќе од 600.000 луѓе го прегледале 40 минути долгиот дел од операцијата, во која лекарите ѝ го отстранувале туморот на мозокот на Џена Шард, кој е пренесуван во живо.
Снимката прикажува пациентка (25) која разговара со лекари од едната страна на завесата, додека други лекари со хируршки маски ѝ го оперираат мозокот од другата страна на завесата.
Џена Шард претрпела мозочен удар поради големата количина на крвни садови во левата темпорална регија, а како последица на тоа имала тешкотии со говорот, рекол претставник од клиниката за неврологија.
Таа останала будна за време на операцијата, за лекарите да бидат сигурни дека нема да ѝ се оштети некој дел од мозокот кој го контролира говорот, па морала да изговара разни зборови за време на зафатот, за хирурзите да направат мапа на нејзиниот мозок.
– За да утврдиме по кој пат ќе му пристапиме на туморот, моравме да утврдиме кој е сигурен пат – рекол д-р Нишмел Пател.
На Шард ѝ поставувале дури и прашања за нејзиното куче, за да ја тестираат меморијата за време на зафатот кој вкупно траел четири ипол часа.
„Операцијата на мозокот во будна состојба на пациентот не е рутинска, иако ја правиме“, рекол тој, па додал: „Зависи од тоа каде е оштетувањето кое мораме да го оперираме и сакаме и дали пациентот во однос на тоа треба да биде заспан или буден.“
