„Кога ќе бидам ослободен?“, го прашува сведокот Јордан Камчев обвинетиот Боки 13, а тој одговара: „Ќе пишеш жалба, Апелација ќе те одбие!“
Ова е една од аудио-снимките што беше дадена како доказ на денешното рочиште во предметот „Рекет“.
– Апелација ќе ве одбие. Вие се жалите во Апелација, да бидете спремни. До Врховен се жалите, како втор степен. Начелното правно лице и советот се повлекува автоматски. Нема да употреби Катица никакви вонредни правни лекови да го придружува, да го одолговлекува, понеделник-вторник вие сте на слобода – му вели Боки на Камчев.
Бојан Јовановски реагираше дека станува збор за приватен разговор со Камчев, неговата сопруга Камчева и Боки, кој не треба да биде земен предвид како доказ затоа што бил незаконски прибавен.
На ова реагираше и адвокатот на Боки, Сашо Дуковски, кој истакна дека снимката од телефонскиот разговор нема датум и дека не е релевантна.
Обвинителката Вилма Русковска објасни дека снимката не е набавена преку Пи мерки и нема датум. По ова беше пуштена уште една снимка која беше неразбирлива, а по реакција на новинарите снимката пак беше пуштена, но повеќе се слушаше бучава отколку разговорот.
