Поранешниот претседател на САД, Бил Клинтон, во документарецот „Хилари“ истакнал дека кога ја запознал Моника Левински бил под голем стрес поради работата и дека аферата со неа му помогнала да се носи со проблемите и да ги оттргне мислите од нив.
Клинтон првпат јавно ѝ се извини на Левински. Тој вели дека жали што таа станала позната во светот по нивната врска.
Во документарецот Клинтон раскажува како во 1998 година морал сѐ да ѝ раскаже на својата сопруга Хилари, по што следувало долго брачно советување.
– Седев на креветот и разговарав со неа. Ѝ кажав сѐ што се случило и како се случило. Ѝ реков дека се чувствувам грозно, поминавме многу работи последните неколку години. Немав објаснување, а тоа што го направив не е за простување – вели Бил.
Хилари ели дека го искоментирала скандалот.
– Бев скршена. Не можев да верувам. Бев толку повредена што не можев да верувам. Не можев да поверувам дека ме лажеше. Побарав тоа да ѝ го каже и на нашата ќерка, што му падна уште потешко – вели Хилари.
– Тоа не е мое извинување, само објаснување. Се чувствувам ужасно – вели Бил на прашањето зошто ризикувал да влезе во љубовна афера.
