Движењето БЕСА денеска информираше за активностите во текот на овие денови од кампањата во врска со референдумот и впечатоците од средбите со граѓаните.
„Од остварените посети во некои од општините, амбиентот и пораките од граѓаните се дека Македонија во НАТО и ЕУ е процес без дилема, дека не постои елемент на двоумење и дека Албанците ќе го потврдат тоа што декларативно го изнесовме неколку пати дека единствената алтернатива за земјата е интегрирањето во НАТО и ЕУ.
Исто така, успеавме да мобилизираме многу граѓани кои и покрај јасното произнесување за НАТО и ЕУ беа иритирани од некои политички субјекти кои сакајќи да ги присвојат заслугите од овој историски момент, забораваат дека во делови на нивната активност биле на штета на граѓаните и тие самите биле партнер на структурите кои и ден денес работат референдумот да биде неуспешен.
Значи пораката на Движењето БЕСА е многу кратка, јасна и концизна, ги повикуваме сите граѓани, заедно, да се ангажираат за целосно успех на Референдумот!
И со ова да докажавме дека народот заслужува историски промени, кои ќе ја зачленат Македонија во НАТО и ЕУ и на сите нас ќе ни донесат подобра иднина!“ порачува Беса.
