Бензините поскапуваат за 1,5 односно 1 денар по литар, додека цената на дизелот се намалува за половина денар, одлучи Регулаторната комисија за енергетика.
Малопродажната цена на „еуросуперот“ од 95 октани ќе изнесува 66 денари за литар, а на „еуросуперот“ од 98 октани ќе изнесува 67,5 денари по литар.
Од полноќ литар „еуродизел (Д-Е V)“ ќе се продава за 60,5 денари, а екстра лесното масло за домаќинствата (ЕЛ-1) за 49 денари.
За 0,149 денари се намалува цената на мазутот М-1 HC и килограм од тој енергенс ќе чини 32,698 денари.
Зголемувањето на малопродажните цени на нафтените деривати во просек изнесува 0,09 проценти.
