Лидерот на ДУИ Али Ахмети и австрискиот канцелар Себастијан Курц разговараа отворено и пријателски за предизвиците на Македонија и регионот, при што премиерот Куртц ја истакна големата австриска поддршка за евроатлантската интеграција, но и за потребата од понатамошни реформи, соопшти ДУИ.
– Добрите пријатели се посебна вредност и Себастијан Курц е еден од нашите најголеми поддржувачи. Австрискиот премиер се враќа во Скопје за да ни даде поддршка на нашиот пат кон НАТО и ЕУ. Дојде време заедно да ги изодиме последните чекори кон посакуваниот успех, евроатлантската интеграција – истакна Ахмети.
Ахмети му се заблагодарил на премиерот Курц за поддршката за евроатлантската прогресивна опција во земјата и ветил дека тој и ДУИ со посветеност ќе работат за реализација на договорот, но и за понатамошно реформирање на општеството.
