ДУИ и за овие претседателски избори, како и за претходните, ќе бараат консензуален претседател, најави лидерот на партијата Али Ахмети во неговото костување во емисијата Клан Дебат на ТВ Клан Македонија.
– Секако тоа е еден од ставовите кои сме ги објавиле и ќе го браниме со фанатизам и ќе го промовираме на сите простори тука во Македонија. Ние сакаме консензуален претседател, да седнеме, да разговараме, да се усогласиме – рече Ахмети.
Ахмети исто така кажа дека веќе има и имиња за консензуален претседател, но сѐ уште е рано да се зборува за тоа.
– Ние сакаме конзесуален претседател и секако дека можеме да зборуваме и за имиња, но за тоа е многу рано – потенцира Ахмети.
Тој уште еднаш јасно застана против идејата за органиизрање предвремени парламентарни избори.
-Предвремените избори не се решение за актуелните проблеми, а особено за веќе почнатиот процес. Грчкиот Парламент во јануари ќе ја ратификува поканата за НАТО, за потоа овој процес да продолжи и со другите земји. Тоа е еден неповратен процес. Повторно велам дека ќе најдеме енергија да ги поминеме овие настани без болка и без последици за процесите. Главната одговорност тука спаѓа врз СДСМ. Секако дека и ние не можеме да избегнеме од одговорноста, но има многу ресори каде ние немаме влијание. Таму, СДСМ има повеќе влијание како поголема политичка сила – изјави Ахмети.
Тој негираше дека се дискутирало за нова владина реконструкција.
– Важните работи се движат во добра насока, иако не е направена детална анализа за нашите функционери. Не сакам да искажувам мое индивидуално мислење, без конкретна анализа. Овие работи ги дискутираме со партиските органи, но и со партнерите во коалицијата, затоа што одговорност и анализа ќе има. Политиките треба и се праваат заедно и нормално е дека ќе ги дискутираме, рече лидерот на ДУИ на гостувањето во ТВ Клан Македонија.
