СДСМ и Зоран Заев обидувајќи се фирмата „Еко клуб“ од Битола и целиот скандал да го префрлат на штета на ВМРО-ДПМНЕ, испадна дека истата таа фирма земала милионски суми тендери од Владата на СДСМ, а само последната година над 60-тина договори за тендери земала фирмата „Еко клуб“ од државата и институциите во вредност од над 130 милиони денари, изјави денеска портпаролот на ВМРО-ДПМНЕ Димче Арсовски.
– ЈП за државни патишта, Министерството за одбрана, Министерството за здравство и многу други институции биле дел од институциите кои доделувале тендери на фирмата „Еко клуб“ Битола. И малите деца знаат дека не смее тендер да биде доделен без да знае Заев или некој од СДСМ – додаде тој.
Арсовски праша, каде е одговорноста на Заев и функционерите на СДСМ што при вакви наводни докази за криминал, даваат тендери на истата таа фирма која ја обвинуваат за сериозна вмешаност во криминал со труењето на граѓаните?
