Вашата земја, само што прослави годишнина од независноста, кога граѓаните во огромен број се изјаснија да живеат во слобода, како што вели и вашата химна. Сега треба да се искористи историската можност да се оди напред и да се гласа на референдумот. Ова е најважниот глас во историјата на вашата земја, порача Џејмс Матис, секретар за одбрана на САД Џејмс Матис на зедничката прес-конферењнција со премиерот Зоран Заев и министерката за одбрана Радмила Шекеринска.
Тој изрази поддршка за политиката што ја води македонската Влада, и додаде дека му аплаудира на Заев за Договорот со Грција. Матис ја нагласи соработката во одбраната преку учеството во меѓународните мировни мисии.
-САД го препознаваат вашето лидерство како важна сила на стабилност во регинот и пошироко, а вашата земја е придонесувач на мирот, преку учетсвото во мисиите во ООН, НАТО и ЕУ, насекаде во Европа и во светот. Ова ви донесе меѓународна поддршка и ви благодариме на соработката – рече Матис.
Тој ја истакна и соработката во сајбер безбедноста, која како што рече е закана за двете демократии.
За Договорот со Грција, Матис истакна дека се работи за историски договор, постигнат со трпелива дипломатија и тешки компромиси, при што се заблагодари на Заев за личното водство во овој процес.
Тој ги цитираше изјавите на германската канцеларка Меркел и на генералниот секретар на НАТО Столтенберг за време на посетите во Скопје истакнувајќи дека ова е шанса Македонија да добие еднакво место во најуспешната воена алијанса во историјата „заедно со 29 земји кои се обрзуваат да ве штитат вас и вашата безбедност“, рече Матис.
-Ние сме подготвени да ви посакаме добредојде како 30 земја членка – рече Матис и најави дека ова ќе му го пренесе и на претседателот Иванов со кого ќе се сретне попладнево.
